judge me na lang

Saturday, November 8, 2008

Sino dito ang hindi nakaranas sumagot sa slum book noong panahon ng pagkahayskul?
Sige, sino? nakakahiya ka naman..wahahah.. (salbahe talaga ako).

Kasi naman diba, lahat naman ata nakaranas noon maliban na lang kung talagang napakasalbahe mo at wala kang tropa kaya wala kang nasagutan kahit isa o kaya hindi ka heartthrob. Minsan naman, pag ikaw may ari, pamatay mo... hindi ka muna sasagot lalo na sa mga part ng crush kasi hihintayin mong makasagot yung crush mo para kung ideny ka nya, hindi mo ilalagay ang pangalan nya..pero yung description sa kanya..walang duda naman na sya.... paraparaan eh noh. Ang lalong paraparaan dyan eh yung portion kasi na may dedication tapos may picture na 1x1.. pag crush mo yung tao, kukunin mo yung picture pero pag yun ang kaaway mo ibabalot mo sa papel na may asin tapos magfifeeling ka na marunong ka mangulam kunwari may alam kang dasal para madapa sya.. hahah! natry ko to, walang nangyari. badtrip.

Pero lahat ng binanggit ko e hindi naman talaga topic ng blog na to. Infairness magandang gawing blog yon pero hindi kasi yon ang nasa isip ko.

Well, partly na ganon.. kasi tungkol s pagiging jugdmental ng mga tao talaga ito. parang yung korni na sagaot sa slumbook na "JUDGE me NALANG" kapag pinapadescribe yung sarili. Ewan ko ba, gusto kong mamunit ng slumbook ng iba kapag nakakabasa ako ng ganong sagot.

flashback:
Name: JUYJUY
N.NAME: JUYJUY TALAGA
CRUSH: iiiiiih...secret
DESCRIBE YOURSELF: super electrifying, gorgeous and superb human being ever created in the third world. (ito ang tinatawag na angas)

ayaw ko nga sabi to pag-usapan e. punta na tayo sa point ko. yung point ko talaga ngayon eh yung high-tech na slumbook kung tawagin. yung mga profile sa myspace, facebook, friendster...
at kung ano-ano pa. Pagandahan kasi talaga ng primary piktyur ang labanan. At don mo makikilala ang mga mahilig sa superficial beauty.

Paano ko ba nasabi? Well, base sa experience... isa kasi talaga akong picture freak. Higit sa lahat, mahal na mahal ko ang sarili ko kaya muka ko ang peborit sabjek ko. Bihira ako magpicture na haggard ako. Minsan tinaymingan ako ng mga tropa kong bakla, pero dahil magaling ako, nadelete ko din kaya bigo silang mag-iwan ng ebidensya na nagkaroon ako ng haggard moment.

Pero one day, (wow, turning point!) sa myspace ko, narealize ko na andaming nagvuview sa akin at andami ring nag-aadd sa akin kasi yung picture ko na talagang pangpictorial ng isa naming play ang ginamit ko. Ay grabeh, haba ng hair ko day! Pero alam mo yung feeling na eh kung magpalit ako ng pic i-aadd mo pa ba ko? Trinay ko, ayon..postive..bumaba ang viewership ko. Nakakaloka nga e. Isa to sa dahilan kung bakit ako nalulungkot sa mga pinoy ngayon. Pag maganda yung picture mo, i-aadd ka o kaya mag-iiwan ng message:

hi, anong cel number mo? (ni hindi man lang tinanong yung real name ko oh kaya peborit kong kainin) para bang nilagay ko yung picture ko para ibenta ang sarili ko na kung tutuusin eh personal pleasure ko yun dapat kasi adik ako sa sarili ko at malala na ang stage ko sabi ng psychiatrist. hehe.. naisip ko nga, pano kung hindi yun ang tunay kong mukha tapos nakipag-eyeball ako, edi madidismaya lang sya? pathetic.

Hindi ko naman ginegeneralize lahat ng tao, kagaya dito sa blogspot. Kaya ako nag-eenjoy dito kasi hindi mo kailngan ng mukha bago basahin ang sinulat mo. Ito yung minana ko kay Bob Ong, na wag mong i-attach ang mukha sa mga sinusulat. hindi ko rin sure kung bakit pero feeling ko effective naman.
i-add nyo nalang siguro ako sa friendster o kaya facebook at maloloka kayo sa albums ko. haha.

Nakakalungkot lang din isipin na dahil sa technology, nawawala na yung culture kung saan mayaman ang mga pilipino, gaya ng panunuyo o kaya panliligaw. Wag na yung harana kasi maraming natutulog ng maaga. Pero diba, lahat minamadali na ngayon. Kaya dumadami ang populasyon eh.

Hindi ito tungkol sa pagfifeeling ko na maganda ako o ng kahit sino pero tungkol sa wag mong i-judge sa tao sa pisikal na eklat.

Sa trabaho ko, naexpose na rin ako sa maraming klase ng tao, wag tayong manjudge ng mga tao dahil lang maganda o kaya chaka o mayaman o bungi o kahit ano. Kung tutuusin, wala namang rule o standarad sa beauty ng isang tao o bagay, kaso... dahil sa mga commercial lalo na ng whitening soap, parang naset na dapat maputi ka para sabihing maganda ka o dapat ganito o ganyan. Atsaka wag nambabastos sa babae, sapakin kita jan eh.

pero ate JOSH, dahil nasabi ko na to, magpapakita na ko one of these days..
(pero may video akong nakapost dito sa blogspot...haha, yun ang ayaw magpakita!haha!)

by the way my number is... echoz garbansauce
hehehe